අද කාලයේ, තාක්ෂණ හා සන්නිවේදන ක්ෂේත්‍රයේ දැවැන්ත ප්‍රවර්ධනයක් සිදුවෙමින් පවතී. එම ප්‍රවර්ධනය සමාජයේ සැමට ම ලාභදායී වන ආකාරයට ගෙන ඒම අපගේ වගකීමකි. එහි තිරසාර උදාහරණයක් වශයෙන් අපගේ පාසලේ අලුත්ම වෙබ් පිටුව දැක්විය හැකියි.

මෙම නව යෝජනාව, අපගේ ශිෂ්‍යයන් හට මෙන්ම ගුරුවරුන්ටත්, දෙමව්පියන්ටත්, පාසල් සබඳතා රැකගෙන යන සෑම අයෙකුටමත් විශාල වාසියක් සපයනු ඇත. නවීන සමාජයෙහි මූලික අවශ්‍යතාවයක් වූ තොරතුරු සන්නිවේදනය පහසු සහ වේගවත් ආකාරයට ලබා දීම මෙම වෙබ් පිටුවේ ප්‍රධාන අරමුණ වනු ඇතැයි සිතමි.

( සන්නිවේදන නිපුණතා වන සාක්ෂරතාව, සංඛ්‍යා පිළිබඳ දැනුම, චිත්‍රක භාවිතය සහ පොරතුරු තාක්‍ෂණ නිපුණතා යන අනුකාණ්ඩ හතරත්…සාවධානව ඇහුරිකන් දීම, පැහැදිලිව කපා කිරීම, අවබෝධය සඳහා කියවීම, නිවැරදිව සහ නිරවුල්ව ලිවීම, ඵලදායී අයුරින් අදහස් හුවමාරු කර ගැනීමත්..සංඛ්‍යා පිළිබඳ දැනුම භාණ්ඩ අවකාශය හා කාලය, ගණන් කිරීම, ගණනය සහ මිනුම් සඳහා ක්‍රමානුකූල ඉලක්කම් භාවිතයත්..විස්තර, උපදෙස් හා අදහස් ප්‍රකාශනය හා වාර්තා කිරීමත්..පරිගණක දැනුම සහ ඉගෙනීමේ දී ද, සේවා පරිශ්‍රයන් තුළදී ද, පෞද්ගලික ජීවිතයේ දී ද, තොරතුරු සහ සන්නිවේදන තාක්ෂණය උපයෝගි කර ගැනීමත්..නිර්මාණ ශීලී බව, අපසාරී චින්තනය, ආරම්භක ශක්තිය, තීරණ ගැනීම, ගැටලු නිරාකරණය කිරීම, විචාරශීලි හා විග්‍රහාත්මක චින්තනය, කණ්ඩායම් හැඟීමෙන් කටයුතු කිරීමත්.. පුද්ගලාන්තර සබඳතා, නව සොයා ගැනීම් සහ ගවේෂණය වැනි වර්ගය කුසලතා සඳහාත්...ඍජු ගුණය, ඉවසා දරා සිටීමේ ශක්තිය සහ මානව අභිමානයට ගරු කිරීම වැනි අගයයන් සඳහාත්…ජාතික උරුම පිළිබඳ අවබෝධය, බහු වාර්ගික සමාජයක සාමාජිකයන් වීම සා සම්බන්ධ සංවේදිතාව හා කුසලතා, සාධාරණ යුක්තිය පිළිබඳ හැඟීම, සමාජ සම්බන්ධතා, පෞද්ගලික චර්යාව, සාමාන්‍ය හා නෛතික සම්ප්‍රදායන්, අයිතිවාසිකම්, වගකීම්, යුතුකම් සහ බැඳීම සඳහාත්…සජීව ලෝකය, ජනතාව සහ ජෛව පද්ධතිය, ගස්වැල්, වනාන්තර, මුහුදු ජලය, වෘතය සහ ජීවය, ශාක, සත්ත්ව හා මිනිස් ජීවිතයට සම්බන්ධ වූ අවබෝධය, සංවේදී බව හා කුසලතා සඳහාත්…අවකාශය, ශක්තිය, ඉන්ධන, ද්‍රව්‍ය, භාණ්ඩ සහ මිනිස් ජිවිතයට ඒවායේ ඇති සම්බන්ධතාව, ආහාර, ඇඳුම්, නිවාස, සෞඛ්‍යය, පුවපහසුව, නින්ද, නිස්කලංකය, විවේකය, යනාදිය හා සම්බන්ධ වූ අවබෝධය. සංවේදිතාව හා කුසලතාව ඉගෙනිම වැඩ කිරීම සහ ජීවත් වීම සඳහා මෙවලම් සහ තාක්ෂණය ප්‍රයෝජනයට ගැනීමට අවස්ථා සඳහාත් …ආර්ථික සංවර්ධනයට දායක වීමටත්…

වාසිදායක හා තිරසර ජීවනෝපායක නිරත වීම යන හැකියාවන් උපරිම කිරීමට හා ධාරිතාව වැඩි කිරීමට ලාංකීය පාසල් දරුවන්ගේ දැනුම, ආකල්ප සහ කුසලතා සංවර්ධනය සඳහා තොරතුරු තාක්ෂණය ඉතා වැදගත් වේ. )

වෙබ් පිටුව මඟින් අප පාසල් ප්‍රජාවට සහ බාහිරයට විවිධ ,විෂයයන් පිළිබඳ තොරතුරු ලබා දීම, පර්යේෂණ ක්‍රියාකාරකම් සහ කුසලතා පුහුණුව තුළින් සිසුන් හට නව හැකියාවන් සකස් කරගත හැකි වන අවස්ථා වැඩියෙන් සපයා දෙනු ඇත.එහෙයින් ම, ඉගෙනිම සඳහා මෙය මහඟු උපකාරයක් වේ යැයි සිතමි.අපගේ පාසල් ජීවිතයේ සුවිශේෂී මතක සටහන්, අධ්‍යාපන කටයුතු, විශේෂිත කාලසටහන්, සහ ඊට අමතර සන්නිවේදන කටයුතු ද, සාර්ථකව ක්‍රියාත්මක කිරීමට මෙම වෙබ් පිටුව ඉවහල් වනු ඇති. එසේ ම, අපගේ දරුවන්ගේ දැනුම, හැකියාවන් හා සාර්ථකත්වය වර්ධනය කරමින්, 21වන සියවසේ අභියෝග ඔස්සේ ගමන් කිරීමට නිවැරදි මඟක් ලෙස මෙම උත්සාහය ද දැක්විය හැක.

මෙම ව්‍යාපෘතියේ සාර්ථකත්වය සඳහා ශක්තිය දක්වන, මෙයට සහාය දක්වන අප විදුහල්පති තුමිය, නියෝජ්‍ය විදුහල්පති දෙපල, ගුරු මණ්ඩලය, ශිෂ්‍ය ප්‍රජාව, දෙමව්පියන් මෙන්ම නව වෙබ් පිටුව සඳහා දායක වන සියළුම දෙනාට, මාගේ හෘදයාංගම ස්තුතිය මෙසේ පළ කරමි.අපේ පාසලේ විශේෂත්වය සහ ගෞරවය රැකගනිමින්, අපි නව සීමාවන් උසස් කරමින් යාමට මේ යෝජනාව ප්‍රබල මගක් වනු ඇතැයි මම විශ්වාස කරමි.

මේ වෙබ් පිටුව මගින්, නව තොරතුරු, කාලීන යාවත්කාලීන කිරීම්, හා අපගේ පාසල් සමාජය අතර නිවැරදි සම්බන්ධතාවයක් ඇති කිරීමට හැකිවනු ඇත. ඒ සෑම මොහොතකම අපේ පාසලේ නම තවත් උසස් කරාගෙන යාමට අපි හැකිවේවා යි අධිෂ්ඨානය පවත්වන්නෙමි.

සුබ පැතුම්!